Ao finalizar a reunión do Consello Federal do Partido Humanista, o seu Secretario Xeral, Pau Segado, declarou: "Rexeitamos enerxicamente a destitución, secuestro e deportación do presidente hondureño e chamamos ás Forzas Armadas de Honduras e ás actuais autoridades de facto do país a depor a súa actitude e restituír ao presidente Zelaya no cargo para o que resultou elixido".

"A comunidade internacional debe persistir no seu repudio a estes procedementos e absterse de recoñecer ao goberno xurdido desde a acción violenta. Os golpistas hondureños e calquera outros que poidan exporse no futuro accións similares deben ser conscientes de que non recibirán apoio algún senón, máis ben ao contrario, a condena e o illamento internacional" , agregou.

Concluíu a súa intervención dicindo: "Os humanistas apoiamos ao pobo hondureño no seu dereito a defender a democracia mediante accións de desobediencia civil e mobilizacións non violentas contra os golpistas".